فاقد الشئ
+******
أنا فاقد وأنا عاطي
بعكس الكلمة فالأمثال
وعيبي ف جيبي منكرشي
وعايش فيها عال العال
معايا جنيه بقضيها
وأصرف منه أد الحال
خمس طقات أجيب العيش
ونص يروح على الفوال
وأحوِّش ربع فالجنة
مينقصشي معايا المال
بخمسة جنيه تمن تيام
بعيشهم راضي بالأحوال
ويتبقى معايا رغيف
بيغني لساني شر سؤال
بينشف فوق سطوح عشة
وللحوجة أهو متشال
تجيله طيور تقف تاكله
د رزق مفيش كلام يتقال
فرح قلبي دعيت ياما
ربي إرزقني راحة البال
وفجأة يرن محمولي
فقمت أجري أرد عليه
قالولي ياذوق هنا السنتر
دروس إبنك بألف جنيه
وغير حاضر مزودتش
مانا ودمي فدا لعنيه
جرس بابي ويمكن ضيف
رحت أفتح وأرحب بيه
دا صاحب مبنى وبيسأل
إيجار بيتي اللي ساكن فيه
أخدت المهلة على وعدي
يشاء ربي أجيلك بيه
وداب الصخر ف عيوني
ودمعي خلاص عرف مجاريه
********
كلماتي / علاء الدين علي
اشكركم اصدفائي على النشر دمتم بكل الود تسلمي استاذة علا
ردحذف