(راجعلك يا امي/بقلم حسن الاقصري)

راجعلك يا حبيبه *بعد سنين الغياب
والدمع مالي عيني *وكتاف شالت عذاب
راجعلك بالأماني * وسنين شوق وحنين
لكن قلبي بينزف * زي ماقال الكتاب
ومين داري بأنيني. *والمر الي فسنيني
وليه امي تسبيني *للبعد وللغياب
انا راجع امي نادم * وحعيشلك عمري خادم
من بعدك عيشي عادم * وطعم السكر تراب
عايش في مدينه زحمه *وناس فوق ناس ملاحمه
وقلوب منزوعه رحمه. * وقصور لكن خراب
راكب سياره بمبي * ومكانك فاضي جنبي
وشالك جبته تلجي. * صافي بلون السحاب
رضاكي يا امي دين * ومناسك نبيين
قرآن في القلب ساكن * يفتح للجنه باب
انا راجع بالمواجع *وقطر شبابي راجع
شوقي يسطر مراجع. *يكتب مليون كتاب
أنا راجع ليكي خايف. * يكون القلب شاب
وشباب فارق جبيني. * بعد ما طال الغياب
راجع بس أوعديني * إنك مش حتلوميني
لو بالهجران كويتك. * وجرحتك بالغياب
عارف إنك قاسيتي * ولا بعدي حنان لقيتي
كفايه مرار وغربه * تهنا في زمن كداب
راجعلك ياحبيبه * بس بلاش العتاب
&
راجعلك ياحبيبه *بعد حياتي الغريبه
إنتي الوافيه القريبه . *وصبري علي السنين
حنعيد الذكري تاني. * وسنين حب وأماني
الغربه دي مش مكاني * قلبك بلدي الحنين
ابوس واحضن إيديكي * بعد القسوه عليكي
ياجمال الصبر فيكي * ياما إتحمل أنين
بعدي مسهر عنيكي. * حاسس ياحبيبتي بيكي
د البعد قدر علينا. * مكتوب فوق الجبين
راجع امي الحبيبه * والفرحه أكيد قريبه
وبقلبك تحضنيني. * وبشوقك والحنين
من بعدالتوهه راجع. * بعد سنين المواجع
وليل عشتو لوحدي * زيك سهران حزين
حالي يشبه لحالك. * حاسس بلي جرالك
دموع جواكي تجرح * في القلب والعنين
بحلم والود ودي * أمسح دمعك بيدي
وبحور البعد أعدي * وأرجعلك من سنين