قصيده هتفرق ايه للشاعر حسين الديب

هتفرق إيه ،،،
بقلم الشاعر حسين الديب ،،

يبات الجرح ما يباتشي
يموت الفرح ما يموتشي
وييجي الحب أو يمشي
هتفرق إيه ،،،

يدق الجرح على بابي
يخاصمني أعز أحبابي
وهندم ليه ،،

تجيب الدنيا و تودي
والاقي الكل واقف ضدي
و أبات والدمع على خدي
وهعمل إيه ،،

خلاص القصة مش فارقة
بجرح و فرح هتعدي

أبات و الفرح في عنيه
ولا دموعي على خدي
و هتفرق إيه ،،،

أبات فرحان ما تفرقشي
يبات الجرح فوق رمشي
و ييجي الحب أو يمشي
وهتفرق إيه ،،،