بلدى .... بقلم الشاعر اسامه عياد

قصيدة : ( بلدى )

بحبك يا بلدى
وشايلك فى قلبى
وعشقك بيسرى 
فى روحى ودمى
تطلى عليه يا درة
بعيونك تلاقينى
ماسك سمايا بأديه
غرامك سجنى
وكنت الضحية
ماهو انتى الوفية
وليكى عليه
أشيلك فى عينى
نهارى وليلى
وحضنك دفايا
وسترى وغطايا
بحبك وعارفك
وحافظ ملامحك
وبفرح لفرحك
ويألمنى جرحك
يا مصر البهية
يا أجمل صبية
رقيقة وشقرة
ولونك دا امحى
ضفايرك بتسدل
ستاير هواكى
تضلل عليه
حنانك ياخدنى
لعطفك وحضنك
ابوسك بقلبى
يا أمى الوفية
ابوسك بقلبى
يا أمى الوفية

بقلم الشاعر / أسامة عياد