تم بواسطة / ابراهيم فهمى
بقا بعد ما كنت بطير
وفارد فى السما جناحى
بقا بعد ما كنت بعيش
بالحب ولاقى افراحى
وعلى الاشجار يتسمع
صوتى بغنى والحان
ومسموحلى بأنى
اعيش فى اى مكان
وكأن الارض دى ملكى
بسماها ونيلها وبحورها
والخضره فيها والبستان
وبعد ما كنت عصفور حر
يطير بالحب بجناحه
على الاغصان
يجيلى الغدر من الانسان
يخدنى لدنية الحرمان
ليه تسرقو منى افراحى
وترضو بظلمى وجراحى
كان ذنبى ايه عشان ترمونى
بزناد الموت وانا صاحى
وبعد ما كنت عايش حر
تقفلو عليا كل بيبان
اقول الاها من قلبى
وابكى بدمعى من الاشجان
ومهما صرخت مين يسمع
ما قفلو عليا كل حيطان
وهى الدنيا ايه هي
غير سجان
الراوى
ليست هناك تعليقات:
إرسال تعليق