انا لو افكر احبك تاني
عمري ما احبك زي زمان
عمري ما اقولك ان انا عاشق
بعد ما قلبك باعني وخان
عايزاني ارجع اقيد ف شموعك
وارفع ايدي اتمني رجوعك!!
ممكن احن ف يوم لدموعك
بس انا قلبي فيه احزان
انا لو افكر احبك تاني
عمري ما احبك زي زمان
سيبك بقي من كل ماضينا
ومهما يكون احنا لبعضينا
لما حلمنا قفلنا عنينا
حلمنا بشئ مش ف الامكان
انا لو افكر احبك تاني
عمري ما احبك زي زمان
ايوه صحيح حبك كان مالي
عقلي وقلبي وحتي خيالي
وبعد ما بعتي ايه اللي جرالي
قلبي اتعود ع النسيان
انا لو افكر احبك تاني
عمري ما احبك زي زمان
سيد صادق
ليست هناك تعليقات:
إرسال تعليق