سالتنى العين
بتجيبى الدمع منين؟
وعلى مين بتنزليه؟
على عمرك اللى راح؟؟؟
ولا على قلبك اللى مليان جراح؟؟؟
ولا على احبابك اللى سابوكى ؟؟؟
ولا على غدارين غدروا بيكى؟؟؟
ولا على احلام مش عارفه تحققيها؟؟؟
مش عارفه ياعين دمعى على مين ولا مين
عايشه فى دنيا كدابه كل مااقول كده كفايه
بتاخدنى وتشد فيا وعلى جرحى مستعفيه
كل ماامشى فى طريق الاقى الشوك ماليه
احلامى بسيطه والناس حوليا حويطه
مليانين بالغدر ومعدومين الانسانيه
يادنيا كفايه جرح فيا عايشه وخلاص مستنيه
العمر يخلص ويعدى بيا واقابل رب البريه
واخلص بقا من الدنيا ديا ومن ظلم ناسها ليا
رب العباد عادل وهيجبلى حقى كامل
من الناس اللى ظلمونى ومن غدرهم مارحمونى
ومن دنيا فانيه كل سككها شوك ومن احلامى منعانى
هناك هحقق احلامى فى جنة ربى وكل امالى
وهشوف هناك احبابى اللى الدنيا منهم حرمانى
بقلم جنة الرحمن
ليست هناك تعليقات:
إرسال تعليق