يوم جراحك يوم فرحهم ..... بقلم الشاعر / سمير شومان

هذا هو عملي الاول في المجموعه..

أرجو أن يحوز علي أعجابكم..

..................................

***يوم جراحك يوم فرحهم..!!***

..............

الطبيعي..

الطبيعي ان في جرحك

تلقي ناس تبكي عشانك..

وأما تنجح ولا توصل

تلقي ناس تفرح لشانك..

***

واللي مش طبيعي خالص

ان دمعك لما ينزل غصب عنك

تلقي ناس فرحانه فيك..

و ان جرحك لما ينزف غدر منك

تلقي ناس تضحك عليك..

***

بس عادي..

يوم جراحك يوم فرحهم..

رغم انك طول حياتك

كنت بتداوي جروحهم..

***

ايوه عادي..

اللي في طبعه الشماته

مش بيحسب..

مره عندك..مره عنده

مش بيفهم

طبعه يغلب..

***

سيبنه منه..وادعي ربك

هوه هيفرج في همك..

وأنشغل بيه ينشغل بك

وحده هيزيح اللي غمك..

***

أما صاحبك..

سيبه يهري وسيبه ينكت..

سيبه ياكل بعضه يمكن

لما يتعب..وحده يسكت..

***

‫#‏سمير_شومان‬