كل القصه والحدوته
عايشنها طافحين الكوته
ناس بتاكل من زبالتها
ومش لاقيه حتي الفتفوته
وناس لما بتشرب شايها
ﻻزم جنبه البسكوته
ناس عايشه كتير اعاليها
وناس مش باينه من تحتيها
وناس م اللي بيحصل فيها
بتتمني من الدنيا الموته
ساقيه ودايره بقالها سنين
ماشيه بتعرج بالرجلين
واللي بيفرح فيها يومين
بيمشيها بشروط محطوطه
غمض عينك وانت تشوف
تفتح عينك تلقاها ضلمه
ﻻزم تكفر بالمعروف
وتصدق الناس الظالمه
معادله غبيه لأن الحسبه
اللي عملها صاحب العزبه
حسبه مناسبه لكل مناسبه
كان اولها .. تموت الكلمه
ورقبتك بالطوق مربوطه
دي حتي الساعه
متبقاش ساعه
وماشيه وكمان
مظبوطه
اﻻ ان كان
يحكمها ( عقارب )
ف يا ريت نفهم الحدوته
عايشنها طافحين الكوته
ناس بتاكل من زبالتها
ومش لاقيه حتي الفتفوته
وناس لما بتشرب شايها
ﻻزم جنبه البسكوته
ناس عايشه كتير اعاليها
وناس مش باينه من تحتيها
وناس م اللي بيحصل فيها
بتتمني من الدنيا الموته
ساقيه ودايره بقالها سنين
ماشيه بتعرج بالرجلين
واللي بيفرح فيها يومين
بيمشيها بشروط محطوطه
غمض عينك وانت تشوف
تفتح عينك تلقاها ضلمه
ﻻزم تكفر بالمعروف
وتصدق الناس الظالمه
معادله غبيه لأن الحسبه
اللي عملها صاحب العزبه
حسبه مناسبه لكل مناسبه
كان اولها .. تموت الكلمه
ورقبتك بالطوق مربوطه
دي حتي الساعه
متبقاش ساعه
وماشيه وكمان
مظبوطه
اﻻ ان كان
يحكمها ( عقارب )
ف يا ريت نفهم الحدوته
سيد صادق
ليست هناك تعليقات:
إرسال تعليق