الجزء السادس.
ياسمين والحب القاتل.
سمعت الام صراخ ابنتها فاطمة وخرجت مسرعة لترى ابنتها .
أما الجدة فذحفت وهى تنادى على فاطمة .
قالت :الجدة مالك يافاطمة فى ايه ؟.
أما الأم صرخت فى وجهة الرجل وقالت : للرجل انت مين ؟ وهو يحمل فاطمة ودخل البيت ووضع فاطمة على الكنبه وهو يحاول ان يفوقها .
والأم تمسك به وتقول له انت مين ؟.
قال:لها أنا مصطفى فى ايه ياأمى ما عرفتى انا مين ،توقفت الأم عن الكلام ونظرت له وقالت :ايه اللى عمله فى نفسك دا ؟اأفاقت فاطمة وهى تنظر الى أمها وجدتها .
وقالت : شفت ياأمى رجل شكله غريب ه راح فين؟.
قالت :الأم دا مصطفى يافاطمة ما تخافى .
وقالت الجدة فاطمة ماتخافى تعالى فى حضنى .
قال مصطفى خايفه من اخوكى يافاطمة .
قالت فاطمة ليه ؟
قال مصطفى هو ايه اللى ليه !
قالت فاطمة عامل فى نفسك كدا ليه ؟
قال مصطفى هو الواحد لما يرجع لربنا يبقى شكله غريب.
قالت الجدة هو الواحد علشان يرجع لربنا يبقى شكله كدا ؟ربنا بيفرق بين الناس بعملهم الصالح.
قال مصطفى :انتم مش فهمين الدين ، وكمان أنا كنت جاى اشفكم قبل ما أسافر .
قالت الأم والجدة وفاطمة مسافر فين؟.
قال : ارض الله وسعة .
قالت الأم والجدة ياابنى خليك معنا هتروح على فين أبوك كبر وتعب .
قال لأمه هو صعبان عليكى دى الوقت كان فين دا من زمان؟
قالت الجدة :ياأبنى خليك تراعى أبوك وترعينا هتروح فين يامصطفى ربنا يهديك.
قال :ربنا هدانى والحمد لله وأنتى يافاطمة ما تخرجى وتتأخرى تانى .
قالت فاطمة هتروح فين وتتركنا؟ فى دخلة الأب وجد مصطفى وفاطمة بتبكى.
قال : الأب مالك يافاطمة ونظر الى الرجل .
قال :مصطفى ازيك يابا .
قال الأب مصطفى ايه اللى عمله فى نفسك دا ؟.
قال مصطفى ربنا هدانى وعدت الى الله .
قال الأب ونعم بالله هديت يعنى وهتعيش معنا .
قال مصطفى أنا مسافر خارج مصر .
قال :الأب عوضى عليك يارب .
واخذ فاطمة وأمه ودخل فى حجرتها .
قالت الجدة لأبنها خذ مصطفى بالهدوء وما تشد معه علشان ما يسافر ويتركنا .
قال الأب مافى فايدة طالما وصل للمرحلة دى مش هيسمع منى العوض على الله .
قالت الجدة كلميه انتى يافاطمة .
قالت فاطمة أنا بقيت أخاف منه .تغير مصطفى فى لبسه وسلوكياته .
قالت الجدة لابنها أنت بقيت تتأخر ليه؟
قال :لها ياأمى انتى فاكره جرجس اللى كان بيجى هنا زمان ومعه ابنه مايكل .
قالت الجدة نعم ماله ومال تأخيرك.
قال : أبنه مايكل بعد ما أبوه سلمه كل حاجة محل القماش حتى عمله توكيل علشان يصرف ويضع الاموال فى البنك والبيع والشراء فجأ سافربعد ما سحب أموال أبوه.
قالت له سافر فين ؟.
قال :لها هاجر لأمريكا .
قالت وبعدين عمل ايه؟ .
قال لها جرجس طب ساكت واتشل وانتى عارفة لما التاجر بيقع بيحصل ايه ،كنت رحت زرته من سنة وقال لى ابنى مش عجبه العيشة بتعتنا بيقول علينا متخلفين المهم حاول ابناء عم جرجس أن يأخذوا منه المحل والبضاعة بسعر منخفض مستغلين مرضه وما فى حد واقف جنبه بعد سفر ابنه وطلب منى اتصرف فى البضاعة كنت الاول بعملها مجمله له بس هو رفض وقال لى انت بتتعب فى تصريفها وبقا يعطينى مقابل تصريف البضاعة .
قالت :له هان على الولد ان يترك ابوه .
قال :لها تقولى ايه على محمد ابن ابو اسماعيل اللى ترك دينه وكفر بيقولوا عليه الحد وترك ابوه .
قالت له ايه اللى حصل هى القيامة هتقوم فى ايه حصل لشباب مصر .
قال لها زى ما تقولى عملة زى الشوطة علشان كدا ما استغربت لما مصطفى اتغير وقلت لكى ما فى فايدة .
سمع مصطفى حديث ابوه مع جدته فدخل عليهما وقال: انت بتسمى اللى كفر والحد زي اللى عاد الى الله .
قال الاب احنا مسلمين وبنصلى وبنقول يارب بس احنا بنبنى وانتم بتهدوا سواء انت ولا مايكل ولا ابن ابو اسماعيل عوضنا على الله في تربيتنا لكم.
قال مصطفى انا مسافروتركهم سمع الأب صوت ام مصطفى وبتترجى ابنها ما يسافر .
خرج الأب وقال :لها اتركيه يمكن يعرف الحقيقة لما يسافر ويرجعلك ياأما عاقل ياأما مات بكت الأم خرج مصطفى وتركهم وهم يبكون.
فى اليوم التالى قالت فاطمة لجدتها على حصل لياسمين وقالت لجدتها كملى لى حكاية ياسمين .
قالت الجدة : قسم الاب البيت بين ياسين ومحمود بالطوب وتزوج ياسين من ياسمين وكانت يعينى كل ما تشوفه تصرخ وكان محمود بيتعذب علشانها وكان ديما يبكى عاشت معه مدة بسيطة حوالى ثلاث سنوات وخلفت محمود واحمد وكانت كل يوم التانى تضعف لما ماتت الله يرحمها.
قالت فاطمة طيب ياستى ياسمين مش شكل امها هى شكل مين ؟
قالت الجدة شكل جدتها .
قالت فاطمة طيب محمود عمل ايه ؟.قالت الجدة زوجه ابوه غصب عنه وفجأ سمعوا صوت فى الخارج قالت الام لفاطمه دا محمود واحمد بيتشاجرا واحمد ترك البلد ومشى وقال مش يقعد فى البلد تانى .
قالت فاطمة يعنى خلاص ياسمين هتتجوز وهتموت قالت الجدة الله اعلم ولكن الحكاية بتقول كدا.
بقلم / كريمة دندش
ليست هناك تعليقات:
إرسال تعليق