خاطره .. ويا ضيك ياقمر للشاعر محمد العشرى

ليه السهر دايما بيحلى
ويا ضيك ياقمر
يحلى الكلام ويا الصحاب
عن ذكرى فاتت من زمان
كانت هنا ف نفس المكان
بس كنا صغيرين
والحلم كان على أدنا
من سننا
طيارة ورق
خايفين لتهرب فى السما
وتختفى بين السحاب
كان قلبنا صافى البياض
لفيوم عرف يكدب
ولا يغير كلام
عدت سنين
مر الزمان
وإتغيرنا ويا تغيير المكان
دهنوا الرصيف
رسمو الحيطان
وإحنا كمان زوقنا الكلام
ورمينا خيط
كان بيمسك حلمنا
وسيبناه يطير ويا الرياح
والطفل راح
والحلم راح
واتارى الدنيا خنقة
مش براح.

‫#‏محمد‬ عشرى#