= ابعدي عني وسبيني .بقلم الشاعر الرائع / على عبد الرازق صالح أحمد

======= ابعدي عني وسبيني =======
===================================
ابعدي عني وسبيني
وانسي ما بينك وبيني
كنتِ حلم صدقيني
حلم ضيعلي سنيني
كنتِ اسطوره غرام
كنتِ رمز للسلام
كنتِ حُب ملهش فى الدنيا مثيل
كنتِ قلبي كنتِ عقلي كنتِ عيني
والنهارده جاي اقولك ابعدي عني وسبيني
===========================
انسي يوم كنت انا وانتِ حبايب
واسكتي متقليش مين فينا عايب
كنت انا وانتِ فى جسد واحد نعيش
وكنت فاكر ان من غيرك مش هقدر اعيش
وبعد ما عرفت انك انتِ بايعه حبي
وبعد ما بان وانكشف المستخبي
كنت حاسس انك انتِ هتبعيني
والنهارده جاي اقولك ابعدي عني وسبيني

========================
كنت ليكِ شمعه بتنور طريقك
كنت خبز لمعدتك
كنت ميه تبل ريقك
كنت ليكِ طوق نجاه
كنت ليكِ اه واه
كنت حاضر كنت ماضى
كنت متهوم ، كنت قاضي
كنت بحر لما كان قلبك سفينه
كنت بر ، كنت مينه
كنت بامسح دمعتك
لما اشوف دمعه حزينه
وبعد كله بالرخيص انتِ تبعيني
النهارده جاي اقولك
ابعدي عني وسبيني
==========================
بقلم الشاعر // على عبدج الرازق صالح احمد
المعصره // الفتح // اسيوط // مصر العربيه // ت //2402204//088