ليام دى طلعالى ...موضه
لونها غامق....وســــــوده
كل واحد راكب حصـــــانه
ومطلع للغالية امه لسانه
آل ايه عايز يهاجــــر
ويسيب امه ويسافر
طب مين ح يقعد ليهــا
يبنى..ويعلى ف مبانيها
من بعد ثورتين.... وهوجه
===
انا معاك الحالة ضاقت
لو صبرنا نلاقيها فاقت
ما تقساش بقلبك عليها
طيب خاطرها...وراضيهـا
مش هيا برضه امك
وبتجرى جوه دمـــك
وراضع من صدر نيلـــها
يبق مين غيرك يشيلها
متبقاش افكارنا...عوجـــه
===
الغربة يا ابنى مش جنه
ولا ترابها عنبر .....وحنه
الغربة صعبة ومذلــــه
ح تلعب بيك وتتسلى
وترجع فاضى الايــدين
ودموعك على الخدين
كلها بملح..... بكرامتك
واضمن بايدك سلامتك
وعيش... لو حتى ف اوده
وسيبك م الافكار السـوده
#- محمد نبيل محمود
ليست هناك تعليقات:
إرسال تعليق