حلمى أنا ** بقلم الشاعر مجدي صالح

حلمى أنا ** للشاعر مجدى صالح **
حلمت أنا بيكى ونفسى حلمى يتحقق
عارفه أنا حلمت بيكى من قبل ما أشوفك 
حلمت بيكى من زمان أوى 
حلمت بشعرك الأسود سواد الليل الداكن 
حلمت بعيونك الزرقا اللى مدارى جواها أسرار وحكيات 
حلمت بخدك الجميل 
حلمت بسهرنا قبل ما نسهره 
حلمت بقمرنا الى منور لنا الليالى 
حسيت بروحك بتتلاقى بروحى 

حسيت حبك من قبل حتى ما أشوفك 
حسيت بنفسك 
حسيت بأيدك ولمستها 
حسيت بشوقك 
بس كنت مستنى هنتقابل أزاى وأمتى وفين 
وكنت بسأل يا ترى النصيب كاتب لنا نتقابل فين ؟ 
وأى صدفه دى الى هتجمعنا ؟ 
كنت مستنى أشوف الى بحلم بيها وبطلب من ربنا يجمعنا