بيحسدوك يا قلبي //بقلمالاستاذه سالي نادر

بيحسدوك يا قلبي 
على حب جواك 
بس عايش
حب ماليك مغرقك
في بحور الشوق
مغلبك ومدوبك
بس جواك عايش
بيبان بس بين حروفك
في كل كلمة تخطها
بيحسدوك على ايه
على حب سيطر عليك
في الخيال جوة حلم
غنوة صوتها بيطربك
تخليك تحلم كمان
وتفوق على مفيش
واقع مر عذاب و غلب
و دموع ملهاش حدود
تحب تاخد حلمي كمان
منا مخلوق معدوم
مستخسرين فيا حلم
تشوفوني بضحك
تقولوا يااااه بكل حقد
ده الحظ ضارب
مش فاهمة ليه
عيشوا الحياة مش أنا
انسوني انا ده انا مفيش
طير من غير جناح
خايفين افرح و اطير
سيبوني مش هطير
بس ع الاقل سيبولي حلمي
جواه افرح اعيش و اطير ...

سالي نادر ...