أكتم فى صدرى وارسم فى صورة
تزلزل كياني و اخبي اللي ظاهر
قالت كلامك حلو و عاجبني
تهيم المشاعر تعلي و تبني
أسمع كلامها و اتوه جوه منها
البسمة الرقيقة ديما تخوني
آاااه من حنيني و شوقي اليها
أهاتي ب تخدني أسير بين اديها
و ارسم في صورة و اعيد في حسابي
أعذب في نفسي و أقول مش ناسبها
أكدب و اعاهد و أقول مرة تاني
شوقي يعاند و انسى ف ثواني
و كلمة بحبك ب تكسر ضلوعي
تهز في جداري تهد المباني
ما كنشي بوهمي و كان من جنوني
أني أحبك و ازيد من شجوني
ملاكي ب يجري في دمي هواكي
أفضل أقولها و لو يدفنوني
شكرا حبيبي يا ملهم حروفي
أكتب في همي و أكتم في خوفي
ساكن في قلبك و اشكل ملامحك
عشان بس ديما تخوني ظروفي
ظروفي اللي قالت مرة ب حبك
و روحي اللي هايمة تملي تطوفك
قلبي وعدني أفوق و أنسى حبك
و روحي اللي هايمة قالت أشوفك
آاااه من جنوني و صورة رسمها
و كلمة في عيوني ما بقدر أقولها
أتلف في حنيني و أغرق في حرتي
و صورة رسمها اتأمل في لونها
و تبقى لي ذكرى تنور حياتي
تعيش جوه مني و تصرخ ليلاتي
و قلبي اللي حبك زليل في سجونه
أخرس ما ينطق يجمل سكاتي
^^^^^^^^^^^^^^^^^
بقلم / رمضان العلالقة
ليست هناك تعليقات:
إرسال تعليق