كدا بردو تمشى ومتقوليليش
فكرك من غيرك اقدر اعيش
ليه بس انام والحلم معايه
واصحى الاقى كله مفيش
......
مش كنتى تستنى شويه
......
مش كنتى تستنى شويه
لي استكترتى السعد عليه
دنا من غيرك تايه ضايع
مهما اتلموا الناس حواليه
......
حبيتك ياعمرى ورب الكون
......
حبيتك ياعمرى ورب الكون
ودوبنى سحر العيون
حبيتك مهما قالوا عنى
حتى لو قالوا دا مجنون
......
غيرتى ايامى وحياتى
......
غيرتى ايامى وحياتى
ونسيت احزانى وآهاتى
شفت معاكى حلاوة الدنيا
وعشقت وياكى اوقاتى
......
كنت بشوفك بنسى همومى
......
كنت بشوفك بنسى همومى
والدنيا بتحلى ف عيونى
معادتش الناس هيه الناس
خلاص بطلوا يحسدونى
......
كنت اتمنى تخليكى جنبى
......
كنت اتمنى تخليكى جنبى
وافضل وياكى بقية عمرى
من بعدك فيها ايه الدنيه
مكانليش فيها غيرك انتى
.......
وانتى معايه كانت حاجه تانيه
.......
وانتى معايه كانت حاجه تانيه
والساعه بحسبها بثانيه
دلوقتى بتمناها تعدى
مهى دنيا زى مقالوا فانيه
......
بايخه وعماله تعاندنى
......
بايخه وعماله تعاندنى
وعيارها كمان فالت من يدى
شايفه نفسها اوى ويايه
من ساعة ملقتنى لوحدى
......
مهما اعيش عمرى مهنساكى
......
مهما اعيش عمرى مهنساكى
ولا احب فى الدنيا سواكى
هفضل على طول اشكر فيكى.
وياريت فى الاخره اكون وياكى
......
منير خاطر
......
منير خاطر
ليست هناك تعليقات:
إرسال تعليق