*****اوعاك تبكى *****
اوعاك تبكى يا ملاك طاهر وبرئ
دا بكاك ولع ف قلبى نار الحريق
اوعاك تبكى انت لسه فى اول الطريق
اوعاك تبقى لو مالقتشى وياك رفيق
بكره يكون لك الف صديق وصديق
مايعيبشى عليك ان هدومهم اجدد من هدومك
عيبنا احنا لما نسيبك لوحدك تشيل همومك
اه يا ياناس لما يضيع مابينكم فقير
والف اه لما تحسسوه انه تافه حقير
محتاج ايد تطبطب عليه شويه
محتاج حد يمسح دمعة عنيه
عطشان مشتاق لشوية حنيه
ليه الناس بقت ضمايرهم مش هيه
يافقر ليه بتزيدنى فقر على فقرى
وانا لسه صغير وم الهموم اتقسم ضهرى
************
مع تحياتى / على حافظ
ليست هناك تعليقات:
إرسال تعليق