عارفه يابلدنا/المشكله موجوده فين
المشكله فينا أحنا/أننا بنقول مش عارفين
ما بنحاولش حتى نعرف/أزاى غيرنا متقدمين
حاسين كأننا بس أحنا/اللى عاملين فاهمين
الحكايه مش أحنا مين/وهما مين
الحكاية ليه هما أتقدموا/وأحنا أصبحنا متأخرين
ﻻزم نعرف فين خطئنا/ونعرف نبدا منين
نرسم طريق لنفسنا/ونشوف نمشيه مع مين
للى ياخد بأيدنا/والنجاح بيكون للمفلحين
اللى يتعب ويشقى/ويكون من الجادين
والحكايه عمرها ما كانت صعبة/بس للصابرين
اللى يعرفوه أن مفيش حاجه سهله/بس اليقين
اﻷيمان اللى ﻻزم تزرعوه/جوه منا عن يقين
ﻻزم نغير من نفسنا/ونكون به مؤمنين
التغيير يبدء منا أحنا/ونعرف نبدء منين
أكيد فى حاجه فى سلوكيتنا/أحنا فيها مقصرين
مش عايزين بس الغلط/نكون به مقلدين
في أكتر من سلوك ﻻزم يتغير/مش أخﻻق مصريين
ناس بتبنى وناس بتهد/ده سلوك ناس عاقلين؟
ليه فى ناس بتشوه الجمال/اللى يسر العين
وكل حاجه بنشوفها حلوه/هما ليها مش شايفين
ويقللوا أى أنجاز بننجزه/ويبقى له مدعين
بأنهم هما بس/وعايزين غيرهم متحطمين
لما قلت المشكله فينا أحنا/كنت أقصد البنى أدمين
اللى أخﻻقه اتربى عليها/ويعرف معنى الدين
مش يتظاهر باسمه/وجواه حقد دفين
أحنا نتغير عن أيمان/وحبنا للوطن والدين
ﻻزم نبدء ونختم بحب/وبالحب نكون عايشين
وحانقدر نحل مشاكلنا/بعد يوم بعد شهر بعد سنين
المهم نكون أحنا من جوانا/مؤمنين وعندنا يقين
كمال كرباش... 8 / 6 / 2015
ليست هناك تعليقات:
إرسال تعليق