حبيبتى يا اعز الناس --------------- مكانك موش على ارض البشر
لانك انتى الورد مع الماس ---------------- واى امراه جنبك فشر
ولانك اللولى والالماظ -------------------- ولانك لحياتى النظر
وكلامى موش شعر وخلاص ----- ---وهوش كلام من غير نظر
لما بكون محتار محتاس ------------- بتتمنيلى الخير موش الشر
وبتكونى لى المرهم والشاش ---------- وسترتينى وربك ستر
ولما بكون على اهلى العاص ------------- بتخلينى عليهم ابر
وبتكونيلى من الحراس ----------------- لما فى يوم عينى تنفطر
ولو احد على طرفى داس -------- بتمسكيله على طول الحجر
ولو زعلنى احد من الناس ------------- بتكونيلهم اصعب هكر
ولو نفسى على صدرى جاش ----------- بتكونى لى زى المطر
وبتكونى زى القطر الفشاش ---------- لو اصبع منى بيتعطر
وبتكونى دوايه وشاش ---------------- لو يوم قلبى بيتعصر
علشان كده قررت وخلاص ------- انى اطلع لفوق عند القمر
واخدك معايه يا اجمل الناس ------- واعقد مع النجوم مؤتمر
وهخليكى نجمة النجوم واساس ---وهخليكى على النجوم الوتر
وهخليكى عليهم على الراس ----- وهخليكى ولا على بالك خطر
وان زعل زحل او حتى لاص --------- وان غار منك او بطر
هخليه وسطهم زى البلاص ---------وموش هخليه يسوى البقر
ليست هناك تعليقات:
إرسال تعليق