بكيت ع الحبايب
ايام وشهور وسنين
لما صبح الدمع غايب
وفضل موجود الأنين
واجارك الله الغالب
لما الدمع يروح م العين
كتر الوجع يا ولدى
خلا العين مكسوره
تشوف بيها الخيال
متعرفهوش من الصوره
يتراءى ليك احوال
مالها اساس
والعين معذوره
الحزن فى القلب
والعين مهمومه نعسانه
نار الفراق بتدب
والنفس يا وليدى
هيمانه وولهانه
مشتاقه لرؤية حبايبها
بس فين ؛ آه يانا
رحمتك يا خالق الكون
ترحم النفس ٠٠٠٠٠٠٠٠٠
التعبانه ٠٠٠
ليست هناك تعليقات:
إرسال تعليق