- يا جنين الحب
- امتى نبتك يشب فى ضلوعي
- رويتك حنانى سقيتك أماني
- سهرت أدارى السهد بدموعي
- يا نبت الهوى
- يا نبع صافى فى ليل الجوى
- يا عمر تايه
- فرحت يوم برجوعي
- بحبك يا طفل ساق الدلال
- ودلالك يا حب فاق الخيال
- وحبك يا قلب زانه الجمال
- امتى يا عمري أنول الوصال
- وأقيد فى ليالي الهوى شموعي
- يا رضيع العشق
- غنيتك فى ليالي الصبر موال
- كتبتك شعر أميرة قصتي
- والبطل شارد فى الهوى رحال
- رسمتك ضحكة
- على جبين الصمت
- رسمتك فجر
- ينهى سواد الليل لو طال
- لقيتك نجم فى خريف العمر
- يهدِي بالوصل من روعي
- يا جنين الحب
- رفرف كما الطير
- غرد بقلب العصافير
- نور قناديل العشق بضلوعي
جريده/شعريه,ثقافيه,أدبيه,فنيه,متنوعه
ليست هناك تعليقات:
إرسال تعليق