قصيده بعنوان حلم تايه للشاعره الهام شرف

 (حلم تايه)
أيوه بحلم حلم تايه في الظلام
نفسي اعرف فين مصيري
أيوه بصرخ وقتها صرخة يسمعها الانام
بس مكتومة وسببها ناس ودانهم تنغلق...
وقت الأدان
شفت نفسي مكان مخيف ايد بتتمد أوام
عاوزه تخطف روحي مني لما روحي بقت حطام
ناس بتجري وناس بتنهض وناس تقولها وصوتها عالي
احنا وياكي يا غالية وبغرابة يقولوا اسمي
شفت بعيوني السعير
والحمام عمال يطير
والهوا هز ف نخيله
زي ما يكون ألف ميل
فرقوا بينى وبينه
بس سامع شدو عالي
زي ما تكون الاغاني
جايه بتهز العرين
قلت افارق حلمي لحظة
وف محاولة أكيدة مني
عيني تفتح وسط نور
شفت أمي واقفة جانبي
جاية وبتقرا السطور
عين بتحسد عين بتحرس
أمي هي طريق عبور
بقلمي // الهام شر