كبرياءها ماكنش راضى
جيت أقرب من خدودها
من جمالها اهتز عودها
وصفها آية فى صورتها
لون عيونها ماكنش عادى
من جمالهم شاب فـــؤادى
قوم يا بحر الشوق وغنى
جسمــــــــــــها والله فتنى
جى أقــــولك غصب عنى
حبها فى القلب مــــــاضى
مستحيل أرضى بهـــوانك
واشترى الفرح لجمـــالك
بكره والله أكون حـــــلالك
وأبقى جنبك طــول حياتى
لما شفت العين بتضحـــك
قلت دى فرحة فـــــــؤادى
اشتهيت الدنيـــــــــــا فيك
والحياة حلـــوة فى عينيك
بس قــــــولى إيه راضيك
أعمله وأنــا قلبى راضى
المهم تكـــــــــونى جنبى
تشرحى للخــــــلق حبى
يوم ما أشوفك ألقى قلبى
لونه أبيض مش رمادى
وأسمع الشوق بينادينى
وأجرى على القلب بحنينى
يوم ما أحس إنك شارينى
هنشر الحب فى بــــــلادى
وابتدى أحكى حكـــــــايتنا
للخـــــــــــلايق جنب بيتنا
والقمر ينقـــــــــل سيرتنا
للنجوم وفى كــــــل وادى
لمــا شفت العين بتضحك
قلت دى فرحة فــــــؤادى
الشاعر / ناصر عبد المقصود
ليست هناك تعليقات:
إرسال تعليق