نفس المشاعر عشتها أنا من جديد
رغم إن الماضى عـــدى مـــن بعيد
كنت فاكرك ذكرى ماتت مـن سنين
يوم ما شوفتك الأمل صحى الحنين
غصب عنى لسه حبك جــــوا قلبى
لسه أحلامك يا عمــــرى شئ أكيد
كنت فاكـــــــر إن حب العمر عدى
والمشـاعر مستحيل أبـــــــداً تزيد
يوم ما شوفتك قمت فازع من منامى
وابتدا الحب اللى عشته يصحى تانى
والحياة رجعت تغنى بالأمـــــــــانى
حبى ليكِ شئ خيالى نوع فـــــــريد
لمـا شوفتك دب جوا القلب غيرتك
وابتديت ارسم ملامحك نفس صورتك
لما كنا زمــان بنضحك جوا حضنك
لما كان الحب لســــه يا دوب وليد
لسه فاكــــــــر كل كلمة أنا قولتها
أيوه سامع صوت حبيبتى لوحدها
والنهاردة انا جى بشوقى أقول لها
مستحيل انساكِ لحظة وأكون سعيد
رغم بُعد الهجـــــــــــر بينا اتقابلنا
والمشاعر جــوا أحلامنا ومصيرنا
هو مين فى الحب أصلاً كان مثيلنا
رغم هجرك يوم ما شوفتك أحلى عيد
نفس المشاعر عشتها أنا من جديد
رغم إن الماضى عـــدى مـــن بعيد
الشاعر / ناصر عبد المقصود
ليست هناك تعليقات:
إرسال تعليق