قطر الذكريات احمد صبري

-
يا قطر الذكريات
رايح ولا بترجع
طابور الليل اْهات
جوايا وبتوجع
انادي فيها حاجات
وهي ما بتسمع
معقولة القلب مات
وحنانه ما بيشفع
-
إدفع يا قلبي التمن
وسد في جروحك
لكل خاين زمن
يهد في طموحك
تلاقي فين السكن
تلاقي فين روحك
ولو باقيلك وطن
بيبكي من نوحك
-
جاتلك لحد عندك
لكن انت ماعرفتش
باست راسك وخدك
بس انت ماقدرتش
راحت وفضلت وحدك
حتى ما سلمتش
سكين الجرح اخدك
غريب وماسكنتش
-
القطر بقى مليان
ونفسه يرجع محطة
هلكان قبل الاوان
داخل كذا ورطة
ماشي بدون امان
واقف على غلطة
متكسرة القضبان
من اول طنطا
-
مش ناقص ذكرى
ولا انتي تتنسي
هاموت على فكرة
لو قلبك قسي
دافعي عني بكره
احساسي المسي
انتي واحدك قادرة
تبرائي او تحبسي