المتولى عبدالله كوهية كوهيةوهى تعبر عن الفترة التى قاطعت فيها بعض الدول العربية
مصر والتى تسمى (جبهة الرفض) وهذة الملحمة هى تعبير عن تلك الفترة
مصر
تجلس مصر فى وسط المسرح بزيها المعبر
الراوى الأول : مساء الخير
الأولة فى الكلام نصللى على النبى العربى
سيد جميع البرية وسيد الكونين
طة نبى زين ., نبى البر والإحسان والرحمة
جة للإيمان والسلام وكلمة التوحيد
المجموعة أ:
والثانية فى الكلام ., على جناح السلام طايرين
نفرش جناح السلام .,والحب فى بلادنا
نزرع نعمر نصنع ., نكتب فى التاريخ صفحة
ونقول يادنيا إسمعى ., مجدنا وأمجادنا
والثالثة فى الكلام ., أحب أأدم لكم فنى
واللى جرا فى الرواية .,وإفتح بقى الصفحة
متستغربوش ياحبايبى., ماتستعجبوش ياأحبابها
أنا من صغر سنى أليف.,على بلدى ووليف على بابها
وانا اللى رضعت من صدرها .ومشيت على أرضها .وحبيت على ترابها
وأنا كل ما يشدنى .,شوقى وأشواقى
أمشى فى وسط الغيطان ., وأغنى موالها
وأنا يامصر طول عمرى مخلص وصابر
وأنا يامصر إبنك الصبار
وعشان ربيع البلد يامصر ., مايبتسم لونة ., أمشى فى وسط الجناين وأزرع النوار
الراوى الأول: وانا ياخللى ** ماحد صان خللى
مناأصلى راوى** وغا وى
أحكى لكم قصتى ** وأشرح لكم حجتى
وإن كان بقى قسمتى**إن نحصد الحنضل؟
عشان عروبتى بقى ** هاتحمل الأوباش
ياما وياما ياصاحبى ** شلتك على كتفى
وقسمت من لقمتى ** ودلوقتى مش فاكر؟!
وعشان مصاين ودادك ** حملتنى همك
أكد واسعى ياصاحبى ** وانت ولا همك
وحتى فى الزنقة ** خاين متنفعنيش
منا أصلى راوى وغاوى ** وكل البلاد تعرف
إن الكلام صنعتى ** من كتر ما بروى
المجموعة أ:
تاريخ بلادنا إنكتب ** وأول سطورة النيل
والشمس كانت معانا ** قبل الزمن بزمان
أول حضارة إتبنت ** فى الأرض من نيلنا
وفكرة التوحيد ** من إخناتون نيلنا
والنيل جرى فى خطوتة **إخضرت حياة بلدى
وإخضرت المعرفة ** والفضل من بلدى
عشان كدة يامصر ** سموك أم الكون
سموك أم الكل ** سموك أم الدنيا
ياأمة وزيادة
الراوى الأول:
أنا المصرى ** أنا المصرى
أنا المصرى ** وكل الدنيا تشهدلى
وإن كنت فرعون أوقبطى ومسيحى أنا أصلى مصرى عربى مسلم لوجة الله
التاريخ:
كلام صحيح يافتى مكتوب هنا عندى
أول حضارة إتبنت فى الأرض من نيلك
ومن ميتة الحلوة شربت جميع الناس
وإسأل أدلك أنا ., أنا التاريخ ياإبنى
أنا يابنى قدرتك ., والكون عرف فضلك
وفضل أمك كبير ., والفضل ريسمالها
وأسأل أدلك أنا ., أنا التاريخ ياابنى
المجموعة ب:
كل الحضارات بعدك ., فرشت عليها جناحك
خدت منك العلم ., وديتى لها الإخلاص
وكل دين إنكتب ., النيل شرب منة
وشرب نبية ومشى., على بساطك ياأم الكون
موسى ., وعيسى ., ومحمد., زرعوا فى أرضك إيمان
زرعوا فى أرضك حب ., زرعوا فى أرضك سلام
وحفظتى عهد الوفا ., عن قوة بدون تقصير
الراوى الأول:
فى الحرب حاربتى ** وفى السلم سالمتى
على كل أمر وقفتى ** وقمتى وعديتى
التاريخ:
من أدها فى حملها ., وفى حمل أولادها
طول عمرها بنفسها., تضحى باولادها
طول عمرهم والنبى., والكلمة من بق التاريخ
شايلين هموم اللى يسوى ,. واللى ما يسواش
مصر:
بتقول لمين ياتاريخ., ما ولادى عارفنى
منا أصلى أم ., وبالطبع عارفاهم
وإن ضل منهم ضليل., حن حبى ما يضلش
أنا اللى عجناهم وخبزاهم ., وأول رضعة فى بقهم منى
نفسى عزولى يروق ويفوق ., وينصلح حالة ., ومن قلبى
ويرمى من قلبة الجفا.,ليتابع بالوفا دربى
أصل البصير لو رأى ., هالبت م الحكمة
يعذر من الرؤيا الأعمى وما بشوفشى
وأقول لمين ياتاريخ ومن يسمع ومين يقرا
وأقول لمين ياتاريخ وأنت اللى فاهم فى الكلام قوللى
للة ياصبرى., لله ياجريى ., وشقى حولى
ضحيت كتير وقليل ., ماحد قدرنى
حتى الصديق والقريب., عن فضلى أنكرنى
وما شفتش الا الغريب ., فاهم وقدرنى
ومدام لى من شقى العمر., الا سعيى وسعى أولادى
لكن أنا مصر ., والنصر من طبعى
والحب من فطرتى., والسلم من طبعى
أنا بردة ماخسرتش.,
كرامتى ردتها ., وقنالى عدتها
وضربت ضربة., ورفعت راسكم .لفوق .لفوق . لفوق
وفى عز مشوار السلام ماشية ومش عاجب
ضحيت لوحدى .,وأسيت لوحدى ومش عاجب
وإن جبت وحدى حقى وحق الكل مش عاجب
ملحمة على جناح السلام \ للشاعر والمؤلف
ليست هناك تعليقات:
إرسال تعليق