انا الجنى...#فهمى_على

يا عفريتة .. ما انا الجنى 
و باتمناكى تتمنى 
تشاورى ع النجوم .. ماشى 
هاجيبلك نجمة ... استنى 
و هابنى ف السما قصرك 
بشرط ترقى و تحنى 
انادى عليكى ... فتجينى 
و تسرى جوا تكوينى 
و ف عنيكى تودينى 
فيضحك من سكات سنى 
امد ايديا فتمدى 
و تمشى ايديكى على خدى 
و تبقى حضن على ادى 
و عصفورى اللى بيغنى
هتبقى الدنيا عشقانا 
و تطرح فرح ف لقانا 
و نار البعد تنسانا 
لا انا ابكى و لا تئنى
هاكون الضحكة ف شفايفك 
و ليل هادى اوى .. و شايفك
عشان عرفانى و انا عارفك
فعيشى فيا و اتهنى 
انا الجنى اللى غاويكى 
و سره .. نظرة بعنيكى 
يا عفريته باموت فيكى 
و شوقى اليكى .. جننى 
#فهمى_على