كلمة واحدة..شعر عامية...الهام شرف

أنا بلمحك بين القصايد كلمة واحدة
لحنتها بالشوق
وفضلت جوه القلب أجمل طوق
أجمل ندا جوه سنابل حب
يزرعها كل العاشقين
تبدر قصايدهم غني
لكن جذور الهوى تمنحك
إنت وانا
وتجود علينا بالتمني
تكبر معاها الأغنية
إنت في قلبي أمنية
أنا بعترف إني بحبك
وبحبك انت 
حتى اعترافي يسألك
بتحبني؟
ما تردش انت
قلبك يرد بكل شوق
قارية ف ملامحك الهدوء
حتى ملامحي تكلمك
وبكل ذوق
بتقول عليك انك
كمان أجمل حبيب
وانك كمان عن قلبي
ما لازم تغيب
واني حبيبتك يوم
ما الكون ده اتخلق