بشـوفك اجمـل...كلمات / مسعد ابو همسة

انت وبس . بشـوفك اجمـل
........خـلـق اللــه ..........
ومعاك تحلي الدنيا واعيشها
........احـلى حـيـاه .........
انت اللي ملخبط لي كياني
بعـدك عني سبب توهـاني
انت النار تحـرق احزاني
وفـرح زمـانى لما القاااه
انسـي الأه والأه تنسـاني
والـدنيادى مش سيعـاني
والـروح رايحـة معــاك 
وخـداني لأحـلي حـياااه
انت الليل سهرت عيوني
وعيونك نجمين سحروني
يا قمر خدني معـاه وداني
لعالم تاني بسحـر صفـاه
قـول للبدر انزل ده مكاني
وياشمس متجيش هنا تاني
ياللي جمالك . نور رباني
عقلي من اوصافك تاااه