ليه كل ده ؟ ...شعر عامية..الهام شرف

شفت الأمل وياك بيبرق ألف ضوء
بينور الدنيا تروق
وتروق قلوب حتى معاه
تسهر عشان تسمع نداه
وتلبي على طول الندا
ليه كل ده ؟
بسأل سؤال
يمكن عشان قلبي بيفرح لما اشوفه
يمكن كمان ما عرفش قلبي فرحته إلا بشوقه
يمكن بشوقه جنتي 
يمكن عشان الحب مزروع أمل
يخضر لونه ويحصده 
وقت ما البدر اكتمل
يمكن عشان ضحكتي صافية معاه
يمكن عيونه أو عيوني اتكلموا
يمكن ويمكن كل ده
بس اللي مش ممكن يا قلبي
وانا واثقة فيه
إن الخلايق كلها قدام عنية
ما بشوفش دايما إلا واحد منهم
ما يشوفش غيري ف دنيته
وعشان كده مني اعتراف
وبوثقه
ما انتاش يا قلبي 
قد كل الحب ده