🌽المكتوب،🌽
الحلقه السابعه
نظر علي الي حسن وصفيه فوجد حسن يحاول التحرش بصفيه وهي تقاومه وتخفي صرخاتها خوفا من الفضيحه فقال
علي... حسن ايه اللي بتعمله ده
ما كان من صفيه الا انها اخذت تجري الي دارها فتقدم حسن الي علي وصفعه علي وجهه وقال
حسن... انت ايه چابك هنا يا واد انت
نظر علي الي حسن وقال له وهو يكتم غيظه ويتمالك اعصابه
علي.. والله لولا ان انت ابن عمي لكنت دفعتك تمن الالم ده غالي
قبل هذا المشهد بلحظات كان عمر وصل بالطعام الي ابيه وقال
عمر... أبا وانا چاي انا وعلي شوفنا حسن واخد صفيه اخت جبيصي ورايح ناحية التكعيبه الجبليه وعلي جالي روح انت لابوك وراح يشوف فيه ايه
ولمح عمر لاوالده ان علي دمه حامي وخوفه ان يتشاجرا
انتفض صالح وقام مسرعا ناحية التكعيبه القبليه فرأه اخيه احمد وهو يهرول فنادي عليه
احمد... يا صالح بتجري ليه كده
صالح مفيش يا اخوي
وظل يجري حتي وصل الي حسن وعلي فوجدهما يتأهبان للعراك
صالح... ارجع يا واد انت وهو چاك خابط منك له فيه ايه يا واد انت هو
سكت حسن وتكلم علي
علي.. مفيش يا بوي انا كنت باهزر انا وحسن وبنشوف مين اجوي من التاني
فطن صالح ان ابنه يداري علي فعله فعلها ابن عمه حسن فقال
صالح.. طب مشي يا واد انت وهو جدامي سايبين الانفار وبتلعبوا هنا اخص علي الرچاله
نظر حسن الي علي وعمر نظره يملأوها الكبر وهو يسير ونظرا هم عليه نظرة الشفقه علي ابن عمهما
عمر.. حصل ايه يا علي
علي.. اجولك بعدين
صالح بعد سماع همسهم ولا بعدين ولا جبلين اجفل حنكك انت وهو يلا
واخذ الطعام صالح وقال لاولاده
صالح علي الجامع انا هودي الوكل وچاي وراكم
يتغير المشهد صفيه تصل الي بيتها وهي تبكي وتسمعها ام قبيصي وتقول
ام قبيصي... مالك يا صفيه فيه ايه
صفيه مفيش رچلي انچزعت واني ماشيه
ام قبيصي.. بتعيطي عشان رچلك اتلوت .. يا مية خيبه.. مانتي ماشيه تتجصعي ابجي ماشي عدل
تبكي صفيه وزاد بكائها بعد سماع امها وهي تعيرها بجمالها والذي لا ذنب لها فيه
اذن لصلاة العصر قامت صفيه وتوضأت لصلاة العصر
قالت ام قبيصي يعني رچلك سليمه اهو وبتصلي أمال بتجولي رچلي اتلوت ليه
اقامت صفيه الصلاه حتي لا ترد علي امها واكملت صلاتها وختمته بدعاء
صفيه.. اللهم استر من سترني
وعاودتالبكاء من جديد
يعود المشهد امام االمسجد بعد اداء الصلاه صالح واولاده يتحدثان عن ما حدث فقال عمر انا هاجول لعمي احمد
صالح... وانت ايه رأيك يا علي
علي... والله يا ابوي انا باجول الستر احسن عشان خاطر البت غلبانه وسمعتها واخوها جبيصي واد راجل وممكن لو عرف يأزي حسن ابن عمي
صالح عين العجل يا ولدي اكفي علي الخبر ماجور
اتفقا علي ذلك وعاد صالح الي الدار هو و اولاده
دخل ولديه غرفتهما وجلس صالح مع زينب وقال لها ما حدث فقالت زينب.. عين العجل يا خويا
صالح يا زينب روحي للبت وفهميها عشان متفضحش نفسها وتجول لاخوها
قالت زينب علي عيني يا خويا
زهبت زينب الي صفيه وعندما وصلت الدار كان هذا المشهد
زينب... يا صفيه صفيه
صفيه من داخل الدار.. ايوه ايوه چايه اهو يا حاچه
ام قبيصي... مين يا صفيه
صفيه.. الحجه زينب يا اما
تفتح صفيه الباب وهي ترتجف من الخوف ماذا حدث وماذا ستقول
زينب افتحي يا بت ..ازيك يا صافيه
صفيه ازيك يا حچه زينب
ام قبيصي... يادي النور يا زينب اول مره تاچي من ساعة ماتچوزتي
زينب.. تسلمي ياختي
ام قبيصي... خير ياختي
همست زينب لصفيه.. اوعي تكوني جولتي حاچه يا بت
بسرعه ردت صفيه باشاره خفيه لزينب اصل الحچه جايه تطمن عليا يا اما اصل رجلي اتلوت جدام الدار عندهم
زينب.. بتلجلج اايوه ايوه والحمد لله جت سليمه المرادي ابجي خدي بالك يا صفيه لولا ولادي لحجوها كانت هتجع في الترعه الغويطه
فهمت صفيه ما ترمي له زينب وقالت ..الحمد لله يا حچه
قامت زينب ورجعت الي دارها
ينتقل المشهد الي احمد وام حسن بغرفتهما
احمد بجي يا وليه زينب تبعت الوكل ليا ولجوزها والانفار وانتي سيباني طول النهار مش معبراني
ام حسن.. ازاي انا بعتلك الوكل مع البت صفيه تلاجيها سرجته بنت السراجين
فخرجت ام حسن لتري اين اخذت صفيه الطعام فوجدت زينب فقالت لها كنتي فين يا اختي
زينب كنت عند ام جبيصي البت بنتها وجعت وهي ماشيه
( حسن علي الباب يستمع للحوار)
ام حسن..كنت باعته معها الوكل بنت الفجريه دي
زينب...وكل ...ايوه
فدخل حسن بعد ما خمن ما حدث وقال ايوه ياما جابت الوكل كله تراب وتجول وجعت وانا اخدت الوكل رميته
ام حسن.... وجعت بالوكل هي دي تجع دي فيها عافيه زي الفرسه الشايعه
انتهي الحوار مع هذا الحدث بسلام لكن قبيصي جاء الي علي نهاية النهار
لكن لماذا؟
هل قالت صفيه له ما حدث؟
ام ربما رأتهم احد النساء العملين بغيط العنب وقالت لقبيصي
ذلك ما سنعرفه
الي القاء في الحلقه القادمه
المكتوب بقلمي
رفيق فتحي
ليست هناك تعليقات:
إرسال تعليق