بحبك
عليل تايه في بحر الشوق
لا فيه ريح ملاغيه
ولا حتي مراكبيه
مسافر انا علي جناحك
احس بغربه فقريه
انا تايه في ضي عيونك
وانتي يا سمرا مغويه
علي جبينك رسمت مناره
ونجمه جنب طياره
وانادي عليكي ضميني
تقولي تعالي يا عنيا
حبك وسم جوايا
ريحتك نقش في حنايا
صورتك مهما كنت بعيد
قريبه وساكنه جوايا
بلادي اغلي ما في الكون
وهي ساكنه دنيايا
علي حبك انا باقي
وعلي وعدك موفي اكيد
وبكره تشوفي يا بلدي
انا المصري وعزمي شديد
بعيد النظره من يومي
لي فكره وعقل سديد
ومهما قاموا بالتجديد
انا عمري اكيد هيزيد
انا الصخره تملي عنيد
انا مصري باعيد وأزيد
لا انا خادم حرم وعبيد
ولا بايع ترابك يوم
انا مسافر ومش سايبك
ورسمك في عيوني دوم
اكيد الحظ هيوفقك
ولو كنت تركتك يوم
مسير الحي يرجعلك
يبوس الارض من تحتك
وتحميني وده عهدك
وعلي عهدي موفي اكيد
ومين اوفي بغير عهدك
بحبك
بقلمي/ رفيق فتحي
ليست هناك تعليقات:
إرسال تعليق