المكتوب
الحلقه الخامسه
دخلت ام حسن دارها هي وام قبيصي فوجدوا الدار خاليه إلا من حسن المتأهب للخروج الي القهوه كالعاده فسألته امه
ام حسن... ابوك وعمك فين يا حسن
حسن.. مرت عمي تعبت جوي وابويا خدها هي وعمي في الكرته وطار بيهم علي الاستباليه
ام حسن.. يا غلبك يا نبويه ..الراچل ده بوز فجر
ام قبيصي... في نفسها الحمد لله يا وليه يا غجريه انتي كنتي هتوديني في داهيه
جلست ام حسن تنعي حظها العاثر وبعد وقت جاوز الثلاث ساعات وصل احمد وصالح وزوجته وهي تمشي ببطئ وتحمل لفه في يدها
فبادرت ام حسن بالحديث
ام حسن.. ياراچل انت مش بدل الچري ده والبهدله علي السكك كانت ولدتت في البيت احسن
فقال لها ابو حسن.. بيت ازاي يا وليه يا ام عجل تخين مكنش ينفع تولدها دااييه
ام حسن.. ليه يا خويه مش مره زي باجي النسوان والا هي چايا من البندر . اهي طول عمرها تحت الچاموسه مش مترفيه يعني
ابو حسن... لمي لسانك ده اللي عايز جتعه ده انتي وليه لسانك بينجت سم
يدور الحديث وصالح وزوجته صابران علي الحديث بل ويبتسمان في وجه ام حسن ولكن لاحظت ام حسن شئ اخر
ام حسن.. ايه اللفه اللي انت شايلها دي يا صالح
فنظر صالح الي زوجة اخيه وسكت فرد ابو حسن
ابو حسن.. أمال انا باجول مينفعش ليه تولد في البيت
ام حسن.. ليه يا خويه
ابو حسن عشان چابوا توم يا وليه تووووم
اتسعت عين ام حسن وظل فاها فاغرا وام قبيص تنظر لها حتي صعد صالح وزينب وطفليهما الي الغرفه
ام حسن.. زينب خلفت توم ... تووووم يا ام جبيصي.... يا سوادك يا ام حسن
وظلت ام حسن تهزي وتحدث نفسها تاره وام قبيصي تاره
ام قبيصي...ارحمي نفسك ياست ليچرالك حاچه
ام حسن... بيجولك توم يام جبيصي .. اللي نجاتيها مبتخلفش ياختي چابت توووووم
ابو حسن... انتوا بجي كنتم متفاجين علي كده...اه يا نسوان يا فجر.. شوفوا ربنا عمل فيكم ايه وتابع كلامه.. جومي يا وليه يا بوز الغراب انتي علي دارك غوري
قامت ام قبيصي مسرعه تجري وتنكفئ خوفا من ابو حسن وزوجته وهي تقول
ام قبيصي.. وانا ايه دراني هو انا كنت مغسله وضامنه چنه
وخرجت مسرعه وماذالت ام حسن في حالتها تهمس لنفسها وتولول حالها...
وهي هكذا دخل من الباب حسن الذي لم يتجاوز الحاديه عشر وكأنه في شبه غيبوبه فقال ابوه
ابو حسن..كنت فين يا واد لحد دلوك
حسن كنت عل الجهوه
ابو حسن... جهوة ايه يا مسخوط انته
وقبل ان يكمل سمعوا طرق الباب.. فتح احمد ابو حسن الباب فوجد رجلا اسمر وجلبابه ملطخ بسواد الفحم فقال
ابو حسن... عايز مين يا چدع انت
الرجل... انا الجهوجي يا عم الحچ اصل علبة السچاير دي وشريط البرشام ده وجعوا من سي حسن ابن چنابك
ابو حسن... تشكر
مشي الرجل فقال ابو حسن لزوجته
مش جولتلك يا وليه هتبوظي الواد
ام حسن..ماله الواد يا خويه
ابو حسن...بيشرب سجاير وايه الشريط ده
قرأ احمدالمكتوب علي الشريط فوجده عقار الترمادول المخدر فانفجر في الصراخ ... المحروس ابنك بيتعاطي مخدارات يا حجه زغرطي يا ام المحروس وجري الي فوق سطح منزله وأتي بعود شجرة القطن واخذ بضرب حسن فقامت ام حسن باحتضان ولدها وتحجز العصي بيدها وتقول
ام حسن... الجهوجي ده كداب هو عرف منين انهم بتوعه يمكن واجعه من حد في الجهوه
وبصوت الصراخ خرج صالح من غرفته يقول
صالح... فيه ايه يا اخويا
ام حسن.. مفيش يا صالح خليك انت في مراتك واولادك
انكرت ام حسن عن سبب الشجار وسكت احمد خوفا ان يعير بابنه الصغير الفاشل فقام بتغيير الحديث
ابو حسن ... هتسمي ولادك ايه يا صالح
صالح.. ربنا كرمني بولدين فانا سميتهم.....
الحلقه القادمه نعلم ماذا سمي صالح ابنائه
الي القاء في الحلقه القادمه من
المكتوب
بقلمي/ رفيق فتحي
ليست هناك تعليقات:
إرسال تعليق