حروف مبعثره
***************
وليه يا دمعه فكراني ؟
ما عاد ليكي صديق تاني
طويت الصفحه من عمري
وقلت اهرب بأشجاني
لكنك برضو ف السكه
تملي بتقفي علشاني
انا غرقان ف موالي
بنادي اللحظه تصفالي
احس اني نسيت بكره
وأنسي الذكري والفكره
ولو حتي بعدت بعيد
وسيبت الشط والمواعيد
تاخدني سفينه منسيه
مفيش فيها مراكبيه
عشان افضل ف وسط بحور
مع الموجه الف وادور
يجوز تطلع لي جنيه
تلملم حاجه مخفيه
ترجع لي هدوء نفسي
وارمم شرخ في جسمي
واعود تاني كما العصفور
ارفرف فوق اماني بور
ارجع ضحكتي الغايبه
وتمشي الضلمه لو جه نور ‘‘‘‘‘‘‘
بقلم / الشاعر إبراهيم فهمي المحامي
20/6/2017
ليست هناك تعليقات:
إرسال تعليق