🌿المكتوب🌿
الحلقه الثالثه
تزوج صالح بزينب واول شئ فعلوه في غرفتهم هي صلاه ركعتين شكرا لله علي اتمام الزواج
وينتقل المشهد الي امام البيت حيث عمال الفراشه يبدأوا في رفع الانوار والاخشاب المتبقيه من ليلة الفرح وبينما هم مشغولون بعملهم نادت ام حسن علي احد العمال وقالت له
مشفتش حسن يا اخويا
قال .. جاعد في الجهوه يا ست الحجه
فقالت ...طيب روح نادم عليه
فقال العامل اهو جاي يا ست الحاچه اهو
نظرت ام حسن فوجدت ابنها ياتي من بعيد كالعاده يجر قدميه جرا علي الارض فاسرعت عليه تسنده كما اعتادت وعند دخولها الدار كان ابو حسن واقف في وسط الدار فقال
مالك يا وله مش واجف علي بعضك ليه كيده
قالت ام حسن فيه ايه يا راچل انت كان جاعد مع اصحابه وچتله دوخه واستطردت قائله
اني مش عارفه انت حاطط نئرك من نئره ليه يا راچل ده ابنك الحيله
قال ابو حسن بنبره ممزوجه بالسخريه . الحيييليه ايوه يا اختي الحيله عشان كده مش نافع
لم ترد ام حسن عليه واطاحت بيدها واكملت طريقها الي غرفة حسن
ومرت ايام الزواج الاولي لاحمد وزينب وهما في احسن حال مع ان ام حسن كانت متحكمه في كل شئ في البيت مما جعل صالح يقول لزينب
يا زينب انتي زعلانه ان مرات اخويه ماسكه معاش الدار
قالت زينب ليه يا سي صالح بتقول كده دي هي ست الدار ومرت اخوك الكبير يعني هي تبجي زي اخوتي تمام
رد صالح الله يفتح عليكي ويكملك بعجلك
تمر الايام وبعد ثلاثة اشهر تشعر زينب بالغثيان وهي تأكل وسط العائله فقامت تجري خارج الدار
فقام صالح يجري وراء زوجته وام حسن تنظر اليهما وتهمس بغمز الي زوجها وتقول
ايه ياخويه الدلع المرئ ده نسوان اخر زمن
فقال لها احمد زوجها .. يا وليه اتجي ربنا محدش عارف فيه ايه في الخلج
قالت ايوه يا خويه اجري وراهم انت كمان انا عارفه رچالة ايه دول قاطعهما رجوع صالح وزينب يبتسمان فسألتهم ام حسن فيه ايه خير يا صالح
فقال لها خير يا مرات خويه مفيش حاجه شوية دوخه كده انتي عارفه بجه الحمل الجديد بيبجي متعب
سمعت ام حسن هذه الكلمات فاصفر وجهها وضاق صدرها ودون ان تدري قالت .. هي مين دي اللي حبله !!
ازاي يعني دي مبتخلفش
رد صالح مين يا مرات اخويا اللي مبتخلفش ؟
قالت .. زينب كانت متچوزه ومبتخلفش
فقالت زينب لها..لا اختي اني خلفت جبل سابج بس معاشي مات بعد ٥ شهور
الصدمه تعلوا وجه ام حسن اما زوجها كان ينظر اليها ويخفي ابتسامه لعلمه ان زوجته مصدومه صدمه كبري وهي يعلم ما يدور برأسها
خرجت ام حسن مسرعه خارج الدار متوجهه الي ام قبيصي وفي ثواني معدوده كانت تطرق بابها بشده وتقول
يا ام جبيصي افتحي يا وليه با بومه
فتحت ام قبيصي الباب وهي منزعجه وقالت.. فيه ايه يا ست
قالت ام حسن مش عارفه فيه ابه يا مره يا وش الفجر انتي زينب حبله يا بوز الغراب
قالت ام قبيصي حبله ازاي
قالت ام حسن لها ما حدث فقالت ام قبيصي سهله يا ست نصجتها
قالت ام حسن وهي مشدوهه نصجتهه؟
قالت ام قبيصي.. ايوه وانا هاجولك تعملي ايه
قالت ام حسن اعمل ايه فنصحتها ام قبيصي بعمل بعض الاشياء فابتسمت ام حسن وعادت الي دارها عازمة الامر علي فعل ما قالته لها العجوز
وكان.......
هذا ما سنعرفه في الحلقه القادمه من .... المكتوب
بقلمي/ رفيق فتحي
ليست هناك تعليقات:
إرسال تعليق