🌿 المكتوب 🌿
الحلقه السادسه
قال احمد لاخيه هتسمي ولادك ايه يا صالح
قال صالح .. هسميهم حسن وحسين
ام حسن... لا يا خويا متسميش حسن هو كل مولود يبجي حسن
ابو حسن... انتي مالك يا وليه يسمي ولاده زي ماهو عاوز
صالح ... حاضر يا مرت اخويا انا عمري ما ازعلك ابدا انا هسميهم عمر وعلي
ابو حسن والله اسامي چميله
صعد صالح الي غرفته فقال احمد لزوجته ام حسن
احمد... علي الطلاج يا وليه لو عرفت انك زعلتي زينب وصالح اخويه او چيتي يم عيالهم لاكون مطلجك ومروحك علي بيت اهلك
ام حسن... ودول مين اللي هاجف جصادهم يا راجل اهم عندك اشبع بيهم
تمر الايام والسنين ويدخل عمر وعلي المدرسه ويتقدموا في الدراسه وكانت زينب امهم حريصه كل الحرص علي مداومة صلاتهم في المسجد مع ابيهم
تربي عمر وعلي تربيه صالحه
اما حسن ابن عمهم فكانت حياته ما بين القهوه والاصدقاء والنساء
اما ابو حسن فكان مشغول بالارض وجمع المال
اما ام حسن فكانت كعادتها تكيد لزينب واولادها وتنتهز الفرصه تلو الفرصه لتكون سبب في جلب النكد لاسرة زينب
اما زينب فكانت تتقي الله في زوجها واولادها والجميع وتتحمل ما تفعله ام حسن دون شكوي ولا ملل و ورثت ابنائها حب الاهل والناس وتحمل زوجة عمهم
تمر السنين علي ذلك سريعا وبعد ثمانية عشرعام كان ذلك المشهد
ام حسن..رايح فين يا حسن
حسن.. رايح الغيط يا اماي الانفار بتجمع العنب عشان التاچر چاي لابويا بكره يحملوه علي العربيات
ام حسن ... طيب اسمع خد الوكل ده لابوك ولو لجيت عمك صالح حط الوكل علي چمب لحد ما يجوم
حسن ... هوانا لسه هاشيل وكل لحد الغيط ابعتيه مع اي حد اجولك ابعتيه مع صفيه اخت جبيصي وهي راحه تودي الوكل لاخوها
ام حسن... هو جبيصي بيعمل ايه في الغيط
حسن ....عمي صالح شغله مع الانفار يساعد امه عشان معدتش جادره تخدم في البيوت وابويا لما كلمه وجاله ده عيل بتاع مدارس مينفعش مع الانفار جال له عم صالح اعتبر انك بتطلع لله
ام حسن... ايوه عمك صالح فاكرها تكيه يغرف منها زي ماهو عايز
حسن... اني ماشي بجه اتأخرت
اسرع حسن في خطاه متوجها للغيط
ويعود المشهد لزينب في نفس الدار
زينب... يا عمر يا علي
يأتيان مسرعين عمر وعلي يلبسان جلبابهما الابيض الناصع والذي يدل علي نظافة زينب والتزام ابنائها
عمر... ايوه ياما
زينب... خدو يا ولاد الوكل ده ودوه الغيط لابوكوا واوعي حد يمد ايده علي الوكل إلا لما تنادوا علي عمكم احمد ياكل معاكم الوكل بزياده اهوا ثم وضعت يدها في صدرها واخرجت مبلغ من المال وضعته في يد علي وقالت
زينب... يا علي انت عارف جبيصي ومن غير ما حد يشوفك يا ولدي اديهمله امه ست غلبانه وهو مسكين بيصرف عليها وعلي اخته صفيه
علي ...حاضر يام
عمر... يلا يا علي يادوب نودي الوكل يكون العصر اذن عشان نلحج نعاود نصلي في الجامع
انصرفا عمر وعلي يحملان الطعام وزينب تدعوا لولديها بالصلاح
يعود المشهد لبنت تمشي اما الدار وتنادي عليها ام حسن
ام حسن.... يا صفيه بت يا صفيه
صفيه... نعم يا ست الحچه
ام حسن... خدي الوكل ده معاكي وديه الغيط واوعي حد ياخده منك الوكل ده هياخده حسن وهو عارف هيعمل ايه
صفيه ....حاضر يا حچه
تحمل صفيه الطعام وتذهب لتلقي حسن في الغيط ولما رأها حسن اقدم عليها وقال لها
حسن... مشي جدامي يا بت
صفيه... فين يا سي حسن
حسن... عند التكعيبه الجبليه ابوكي الحچ احمد هناك توديله الوكل
مشت صفيه امامه ومن خلفها حسن ينظر اليها ويتفحص كل شبر في جسدها وتلمع عيناه فتكون اشبه إلي ذئب ينوي الانقضاد علي فريسته وسط الزراعات وعندما وصلوا الي تكعيبه العنب لم تجد صفيه احدا بل كان المكان خاويا وكل الانفار كانو يجتمعون تحت التكعيبه البحريه اول غيط العنب .
انزلت صفيه الطعام ونظرت الي حسن وقالت
صفيه... مفيش حد هنا ياسي حسن
تقدم منها حسن و وضع يده علي رقبتها وقال
حسن... زمانهم چيبن تعالي اجولك يا بت
يعود المشهد الي عمر وعلي وهما في طريقهم الي الغيط وكان هذا قبل مشهد صفيه وحسن بلحظات
علي ... مين اللي واجفه مع حسن دي
عمر...دي صفيه اخت جبيصي الظاهر مرت عمي بعته معاها وكل لحسن
علي... و واخدها ورايح ليه ناحية التكعيبه الجبليه
عمر مش عارف يا خويا
علي... امسك الوكل ده وروح انت وانا اروح اشوفهم
عمر ... ايوه يا خويه روح
جري علي ورائهما وكانوا قد اختفوا في الزراعات وعندما وصل الي تكعيبة العنب وجد المشهد السابق حسن يضع يده علي رقبة صفيه ويحاول العبث بجسدها وهي تهرب منه فاندفع علي وقال
علي.... حسن ايه اللي بتعمله ده
هنا جرت صفيه تاركه كل الطعام ورجعت الي دارها اما حسن فهاجم علي الذي يصغره بعشر سنوات و....
الي اللقاء في الحلقه القادمه من
المكتوب
بقلمي/ رفيق فتحي
ليست هناك تعليقات:
إرسال تعليق