بقيت اسكت كتير
واسرح
واشيل الهم .
وخايف موت
على بكره .
لا يجى اليوم .
وآلاقى نفسي
مش قادر
اجيب لعيالى
حق المم .
شربنا الذل وياكم
بناكل شوك .
ولقمه
مغمسه بالسم .
شبعنا وعود
وحرقة دم .
صبرنا كتير
ولسه بنحاول
كمان نصبر .
حلمنا بجنه وياكم
صحينا ف نار
وف لحظه حلمنا إتبخر.
يا حكومه همها جيوبنا
ما عادش ساترنا غير توبنا
يا ريت تاخدوه .
ونمشى عرايا في الشارع
ونشحت حتى لقمتنا
كما المقاطيع امام جامع .
بنصرخ من غلا الاسعار
ولا حدش مِنكًمْ فاهم
ولا حاسس ولا سامع .
........صلاح فضل
........منيا القمح ٢٠١٧/٧/٢
ليست هناك تعليقات:
إرسال تعليق