#يوم #القيامة
---------------
ريحة المكان ف الشقة
بعدك كالريحان
كل زاوية ف الحيطان
مرسومة صورتك
فيها حيرتك والقلق
على جبهتك منقوش
حتى اللى كان
منك حنان
انامانساهوش
انسى كيف
وأزاى وفين
انت الدفوف
وناى حزين
عزفت بوادر همتك
على لقمتك لحن السنين
وغنتوتك عرق
الغلابة الشقيانين
انت اللى كنت
ف القلب زلت
وياما اتنزلت
عشان أعيش
ف أبهى صورة
مش بالضرورة
تكون جميل ف الشكل
روحك اكيد كانت
جميلة وخفيف الظل
سبع سنين
عليا عدوا كأنهم
صخر بيشيلوا البشر
تقال قووى زى الجبال
والحال بموت ضهرى انكسر
فينك ياحبات المطر
غمزت للقمر الجميل لما رمش
عطشان ومشتاق ميتك
اسقينى منها على العطش
حنيتك كانت اكيد
ف خطوتى خطو اتفرش
وانالما خطيت فوقها
حسيت بالنعيم
رحلت عنى لكن اكيد
ساكن ف قلبى كالنسيم
كالأماتى والأمل والأبتسامة
وسيبت ف القلب الوجع
زى العلامة
انامش معاك لكن اكيد
هنتقابل يا ولدى ف يوم جديد
اسمه يوم
يوم القيامة
بقلمى / هانى البوب البوب
2017/7/19
ليست هناك تعليقات:
إرسال تعليق