لومي زي ماتلومي .. قصيدة للشاعر / سعيد عباس الضو

(( لومى زى ماتلومى ))
تلومى زى ما تلومى 
دا أنتى صوره ف ألبومى
وأنا قبلك عشقت كتير 
وكنت كل يومين ابدلهم
كانى بدلت في هدومى 
ف لومى زى ما تلومى
************* 
أنا متعود على السيرة 
وعلى اسطوانة الغيرة 
وقلبى ما اخدش ع اللف.. والدوران 
ولا يحبش يبات ندمان 
وخدت على إنى أعيش 
يومى 
ف لومى زى ما تلومى
*************
بنات اليوم بطبع عنيد 
يحبو الواد يكون في الأيد
شروطهم يقطع أمه وابوه 
ولو قال لأ! خلاص يرموه 
وأنا لو كان ليا ذنوب 
لكنى ف اهلى الصراحه 
بدوب
وهما بدايتى ونهايتى 
وهما حياتى وعلومى 
ف لومى زى ما تلومى
**************
انا يمكن أكون مكار 
لكن ماقبلش أكون غدار 
ولا ابيعش الغالى عشان نظره 
ومش أرنب يجرى ورا جزره
دا تعبوا وربونى 
وياما كتير ساندونى 
ومش م العدل إنى اهملهم 
عشان بنتين أجرى ورا منهم
أنا مبقطعشى ف هدومى 
ف لومى زى ما تلومى 
**************
أنا واخد على اللوم 
ومتعود كمان ع العوم 
ولا بحروكم تغرقنى 
ولا دموعكم بتحرقنى
ولو قابله تكون عيلتى 
ف عيونى
وأنا الحاكم وإنت تكونى محكومى 
ولا الومك ولا تلومى 
وكلامى مش مخصوص 
دا عمومى 
سعيد عباس الضو