كان ياما كان ... قصيدة للشاعر / سعيد عباس الضو

(كان ياما كان )
كان فيه هناك عصفور 
عايش على الأشجار 
فرحان قوى بالنور 
عمرة مايوم احتار 
بين الغصون بيتنقل 
مع الأوراق بيتسامر 
عمره مايوم أتسأأل
ولا بالحياة بيغامر 
وكان تملى يتعقل 
لأن العش كان عامر 
وكان ساعات في الشتا 
ممكن تجي له ريح
تطير من عليه الغطا 
البيت فقير بصحيح 
يقول لنفسه برضه رضا 
عقله الصراحه فصيح 
وفى يوم من الأيام 
جاله عصفور يتنطط 
وقاله بص شوف اليمام 
مبسوط هناك ومزقطط
فيه عصافير ولاد حرام 
عقولها فاسده وبتخبط 
قالو إحنا نروح بسلام 
وعندهم هناك هنظبط
وازاى هنا عارف تعيش
وعشك لا باب ولا شباك
إحنا هنطلع على هناك 
ونهجم على صحبتك 
وأهى عايشه وحيده 
بضربة واحده هتموت 
واتحداك 
لعب بعقله الشيطان 
وصحابنا خلاص اقتنع 
ومن كتر زنه كمان 
مقدرشى يمتنع 
طلعوا الاتنين على العش
يدوب وصلو هناك 
وعينك ماتشوف إلا النور 
اتلمت جميع الطيور 
والضرب بقى الوش 
صاحبك لحق يهرب 
ماهو شيطان مخلوق من نار 
أما عصفورنا أبو عقل حمار 
اتحكم عليه بالنفى م الأشجار
سعيد عباس الضو