يا بياعين الوجع ... قصيدة للشاعر المبدع / سيد صادق

يا بياعين الوجع... 
البيعه رايحه لمين ...؟ 
عملنا كل البدع ... 
قولنالكوا مش عايزين 
ما كفايه بزيادة .. 
القهوه الساده.. 
ولا بقت عاده.. 
و انتوا مش حاسين ...؟ 
تعبنا ع الآخر.. 
و جبنا الأخر.. 
وجعنا نوع فاخر
بيعيش معانا سنين 
و تبيعوا للحاشيه.. 
وجع بلون فوشيا... 
و البيعه لو ماشيه.. 
ترجعلكوا ف ساعتين .. 
يا بياعين الوجع... 
لو فيكوا راجل جدع ... 
يقول مفيش مرتجع ... 
اشمعني التانيين...؟!!!
سيد صادق