عالم الرغبة والجنون..تحياتى، عمر جميل

الفيس بدون شك عالم إفتراضى ، حلم كل واحد بيحاول يعيش فيه واقع تمنى تحقيقه على أرض الواقع ومقدرش يحققه، علشان كدا تلاقى أى بنت أو ولد أو حتى كمان راجل أوست ، الكل مجرد ما يخلص شغله جرى يهرب من الواقع ويركب بساط الريح ويطير ، الى بيحب الرومانسية يعيش ارومانسيته بطريقته والبنات تعيش دور اليس فى بلا العجايب أو تعيش فى دور سندرله بتعيش دور أميرة ، الى بيعيش دور المثقف والى بيعيش دور الملتزم اخلاقيا ودينيا ، المهم كل واحد بيكون شئ غالبا غير واقعه ، علشان كدا غالبا كمان تلاقى بنت حاطة صورة البروفايل مثلا صورة جميلة لممثلة أو عارضة أزياء ، وبالتالى الشباب الواقع كتير يفضل يمدح فيها وفى جمالها ، والعجيبة إنها بتكون سعيدة مع إن الكلام دا مش ليها دا لصاحبة الصورة طبعا بس ربنا يكفينا شر عقدة النقص، والأعجب التعليقات على منشوراتها، مجرد ما تقول هاى ، تلاقى ألاف الليكات والتعليقات ، يا اخوانا دى بتقول هاى بس ، ويا سلام بقى لو علقت إتق الله يبقى يومك مش معدى كل الشباب هيجاملوا فيك إشى شتيمة وسب ولعن ليك وللى خلفوك ، وللأسف فى النهاية ثقافة التخلف بتحكم ، ناهيك بقى عن الرسايل والأعداد المهولة فقط لو هناك شك إن حسابك حساب بنت ، فى بدابة دخولى هذا العالم المجنون كان اسمى النفس الزكية مجرد الظن إن دا حساب انثوى أعوذ بالله ، والله أعذر البنات والألفاظ العجيبة إلى بيسمعوها ، والخلاصة محدش يا خد العالم دا بجديه لأنه فى النهاية كما قلت مجرد حلم ولا يختلط الحلم بالواقع وإلا يتحول هذا الحلم إلى كابوس مجنون