بتغويني بضفايرها
الشعر طويل مجدول مجاديل
ولما باشوفها اغنيلها
بتغويني بضفايرها
بتغويني برمش العين والكاحل
ومشيتها غزال طاير علي الساحل
وقلبي م الغرام تايه بطلتها
بتغويني بتغويني بضفايرها
يا ساكن روحي واشعاري
وانت ع المرار ناوي
تسقيني مرار الشوق
ف كاس اللوعه واللهفه
وتجرح قلبي وتداوي ف نفس الثانيه واللحظه
وان قلت يا ناس انا شاري تبين هي أسوتها
بتغويني بتغويني بضفايرها
حبيبي مهما أسيت مغرم انا بيها
مغرم بنظرة عين عليا بترميها
وادعي يعدي الليل وانتظر بكره
واشوفها نازله السلالم وعلي باب بيتها
بتدلع ف مشيتها وبتلوع حبايبها
وتغويني وتغويني بضفايرها
وعليها ماشيه مرسومه علي خطين
حمامه طايره بتغني علي شطين
وتتعاجب وتتعايئ برمش العين
لا هاممها احباب هايمه ولا ليمين
ولما شافتني وقفت قدامي تدلع
وقلبي م الغرام دايب وهيولع
بالعين رمت السلام وراحت مشاغلها
بتتعايئ وتتمايل خاطويها
وخفت امشي وراها واعرف مراسيلها
وهي لسه بتغويني بتغويني بضفايرها
بقلمي رفيق فتحي
ليست هناك تعليقات:
إرسال تعليق