أنا عصفور ,, قصيدة للشاعر الأديب / رفيق فتحي

انا عصفور
بقلمي/رفيق فتحي

سألوني كتير بدون تفكير
جاوب علي السؤال مره

انت امير ولا وغفير
وليه عايش حياه مره

وبتسألوا ليه علي احوالي
وشاغلكم كتر امالي
هاحكي عني ولو مره

انا عصفوووووووور

انا عصفور قلبي جسور
وعايش حياه خضره

انا عصفور بلف وادور
واغير عشي مية مره

لا خفت ف يوم علي قلبي
ولا انجرح ولا مره

افرد جناحي علي مهلي
واطير من شجره علي شجره

وياما النخل نادني وعمري ما زرته لو مره

اصل النخل عاوالي واجيب ليهم منين قدره

علي جناين العشاق احوم واغني للصحبه

لا عمر كناريا خدت قلبي ولا حتي يمامه سمرا

الحب عندي شئ غالي لو حصل كفايا مره

واتعب معايا ليه قلبي واسقيه كاسات عذاب مره

واحب في طير يدوخني ويسقيني مرار بكره

انا عصفور قلبي ضعيف علي أدي

لا حمل الحب ...ولا نظرة شوق... وضحكه تاخدني و تودي

جناحي علي أد احمالي وكفايا انه مريحني

اديني جاوبت علي سؤالكم لعل الزكري تمنحهم
راحة قلوب عشقاني وخايفه قلبي يجرحهم

لا عمري هاحب عصفوره
ولا فرسه وغندوره
انا كده بعيد عنهم

لا واحده تقولي فين قلبي ومن عهدك متحرمشي
وتبكي حالها علي حالي وتوجع قلبي يوم تمشي

واحمل ليه علي قلبي ودقاته توجعني
واشيل عليه ليه تاني والحمل بكره يجرحني
جميل انا كده ومالي ....مادام العمر صالحني

انا راضي اكون عصفور
انا راضي اكون عصفور......انا عصفور