شرم برم / منولوج
*************
شرم برم الرحمة يا مان
شرم برم د انا جاني جنان
ده شيخ تملي علي المنبر
وكل حبة الله أكبر
كلامه قول شهد وسكر
وفعله ولا ألاعيب شيطان
شرم برم الرحمة يا مان
شرم برم د انا جاني جنان
لعيب بيلعب علي ناسه
وحب نفسه ده أساسه
وان مره صادفك كراسه
تلاقيه ينافس فعل الجان
شرم برم الرحمة يا مان
شرم برم د انا جاني جنان
يحلف ويكذب ف يمينه
ولا مره راعه أمور دينه
ولا لقمه بين صاحبه وبينه
ويقول د انا أحسن إنسان
شرم برم الرحمة يا مان
شرم برم د أنا جاني جنان
يا موزعين العقل يا ناس
في شيخ ما بينا ضميره احتاس
والرحمة جفت علي أرضه
والتقوي عنده ماليها أساس
شرم برم الرحمة يا مان
شرم برم د أنا جاني جنان
شرم برم ولا عاد في أمان
بقلمي / إبراهيم فهمي المحامي
20/1/2018
ليست هناك تعليقات:
إرسال تعليق