شباب القلب
بقلمي / رفيق فتحي
رسم الزمان حكايات علي خدودي
والشعر بدا فيه البياض مكشوف
وقفت أدام المرايا باشوف
نفسي لقيت قصه تجاعيدي
سنين العمر مرسومه
علي وشي كما النقشي
محفوره خطاوي الزمن
ومقهوره علي عمري اللي قضيته
علي فكره ونظره بشوق علي بكره
وجه بكره بفاس الوقت يحفر علي جبيني
خطوط بالطول معوجه ومعكوكه
وكأن ملامحي مضروبه ف 100 خلاط
وافتكرت شكلي وبعوده
وصوره جنبي محطوطه
علي التسريحه والبشره لسه مشدوده
وعود مفرود كأني عمود
واسناني كامله وصحيحه
ومر الوقت مادريت صبايا اتهد
بصيت صاحبي اللي من سني
لقيت خطوطه معوجه علي النني
في ايده عصايا وانحني مني
بينطق كلمه بالعافيه
وايده بارده مش دافيه
حمدت ربي علي اني
كريم وبصحه وبعافيه
وقلبي نشيط ومش دايب
وقلت ف نفسي مش شايب
مشيت والمشي لينا حجاب
مبسوط وادب بالقبقاب
صاحبي م الهموم شايب
وانا قلبي لسه شباب
وعجبي
ليست هناك تعليقات:
إرسال تعليق