أم الشهيد والحفيد....بقلم الشاعر محمد حجاج

أم الشهيد والحفيد
الدموع اتحجرت 
ف عيون أم الشهيد
والقلب انجرح
بغياب الحبيب
مش عارفه
تقول إيه للحفيد
اللى ذرف الدمع
وبيسأل:أبويا فين؟
أبويا إتأخر قوى
أبويا فين ياتيتا
هو غاب ليه؟
هيجى إمتى؟
وهيجبلى معاه إيه؟
أبوك ف السما
عند ربنا شهيد
سأل الحفيد:
يعنى إيه شهيد؟
وقف الكلام....
ومش عارفه تقوله إيه؟
يعنى راجل ابن راجل
ضحى بروحه
عشان نعيش
ضحى بدمه لأجل الوليد
ميعيش سعيد
ياأم الشهيد:
ابكى على ضى العين
اللى دمه ف رقبة
الندل الجبان
ابكى ع اللى روحه
هايمه ف السما
ومعاه العدنان
والملايكه بتغنى له
أجمل الألحان
وهتكونى معاه
فى نفس المكان
بقلم :محمد حجاج