صبح جاى و ف ايده فرحة
و ابتسامة و كله خير
صبح شبه الضحكة طيب
صبح عيد حلو بضمير
بابتسامة قابلنى بدرى
قالى قوم ع الخلق عيد
قول لكل الناس بعودة
للى خادم و اللى سيد
و اللى شايل ليك محبة
و اللى كارهك بردو قول
و ادى للاطفال عيدية
خلى ف البسمة الحلول
روح و سلم ع اللى منك
و اللى مش منك كمان
اوعى تتحجج بسنك
دا انت بستان للامان
كل عيد يا ابو قلب طيب
و انت اجمل م اللى فات
كل عيد و الفرح طارح
ع الولاد جنب البنات
صورة بتجمع قلوبهم
تبقى ذكرى ليوم جميل
و ابتسامة حب صافية
تشفى اوجاع العليل
ليست هناك تعليقات:
إرسال تعليق