اصدقائى الاحباء
وحشتونى جدا...جدا
اصل انا كان ليه صاحب عزيز عليه جدا...جدا....وبقلنا فتره كبيره ماشفتهوش .....فقلت اخد صحبتى (رهوانه) ونروح ندور عليه فى الغابات وحديقة الحيوان. اصله من فتره زهق من الدنيا واللى فيها ....
مااطولش عليكم قولوا طولت...ماعلينا..
المهم والحمدلله لقينا الواد (صاصه.)....فى احد الغابات
فروحت عليه وحضنته وضميته لحضنى وقولت له هو احنا هنا عليك كده ياواد ياصاصه....و راحت رهوانه الاخرى حضناه وقبلتوا....قدامى ...ماعلينا اصل احنا عشريين وبنحب اللى يحبنا..
المهم رد صاصه عليا وقاللى
اصل انا كان ليه ٣٣. اصحاب كنت بحبهم جدا جدا..وباعزهم جدا جدا وكانوا عايشين معايا لحظه بلحظه وساعه بساعه ويو بيوم اصلى مااقدرش استغنى عنهم ولا حد يقدر يستغنى عنهم ولحظت فى الفتره الاخيره انهم مابقيوش همه صحابى اللى اعرفهم وبعدين قولت اروح اتمشى معاهم شويه واعرف ايه اللى غيرهم ؟؟؟؟؟؟
واول ماخرجنا من قدام البيت ومشينا فى الشارع وصلنا لاول فرن عيش راح صاحبى الاولانى باصص لاخواته اللى جوه الفرن وقالهم...اخص عليكم مالكم كده خاسين ومسلوعين ونزل عليكم التخفيض ..فيه ايه اللى اللى حصلكم مزعلين الناس منكم ليه دا الناس ماشيه فى الشارع بيضربوا كف على كف...
راحوا رادين عليه وقالولوا طب واحنا ها نعمل ايه هوه بمزاجنا روح اسأل اللى عمل فينا كده ..واسأل اللى وصلنا لكده ...
بينى وبينكم.... انا ماقدرتش ارد عليهم......
طب دى حكاية صاحبك الاولانى طب وصاحبك التانى...روحت معاه فين. ياصاصه..؟؟؟؟
قالى ابدا عدينا على اول بنك علشان اسحب ٥٠ جنيه يمكن احتاج ليهم فى مشوارى
لقيت صاحبى التانى باصص لاخواته وقال لهم..هو فيه ..ايه كان زمان الواحد فيكم ليه قيمه وليه شنه ورنه وكان لما بيطلع بره البلد كان ليه قيمته ايه اللى حصل لكم دا الواحد فيكم مبقيش ليه اى قيمه حتى قدام اخوه السعودى او الاماراتى او حتى السودانى.؟؟؟؟؟
راحوا..رادين كلهم فى نفس واحد واحنا مالنا شوف مين اللى عمل فينا كده...احنا زنبنا ايه..هو احنا يعنى عاجبنا حالنا؟؟؟؟ لا والله بس هانعمل اييييييه؟؟؟؟
المهم وبعدين ياصاصه
طب والتالت حكايته ايه
قال ابدا...ماتيجوا نروح نتفرج على ماتش كوره ونفك شويه ونروح عن نفسنا....
واول مادخلنا الماتش لقى صاحبه التالت بينضرب ويتبهدل من ناس قرايبه من اليم التانى...قالوا مالك همه بهدلوك ليه كده وقلوا قيمتك ليه.؟؟؟؟؟ قالى ماهوه ده اللى بيحصل فينا دلوقت بقينا ننضرب من رؤساء الانديه واللعيبه حتى من كل الجماهير
بينى وبينكم انا صعب عليه الواد صاصه....وكل صاصه....وكل اصحاب الواد صاصه.!!!!!!
ليست هناك تعليقات:
إرسال تعليق